Ang Pantalan ng Hong Kong ay kakaiba dahil wala itong awtoridad sa pantalan na nagbibigay ng lahat ng imprastraktura ng pantalan at kumokontrol dito. Karamihan sa mga pasilidad ng pantalan ay pribadong pag-aari at pinapatakbo na may minimal na pakikialam mula sa pamahalaan.

Ang Kagawaran ng Dagat na pinamumunuan ng Direktor ng Dagat ay responsable para sa lahat ng mga usaping nabigasyon sa Hong Kong at sa mga pamantayan ng kaligtasan ng lahat ng klase at uri ng sasakyang pandagat. Ang aming misyon ay "Kami ay Nagkakaisa sa Pagtataguyod ng Kahusayan sa Serbisyong Pandagat". Ang mga gawain na aming isinasagawa ay

• pagtulong sa ligtas at mabilis na paggalaw ng mga barko, kargo, at pasahero sa loob ng katubigan ng Hong Kong;
• pagtiyak ng pagsunod sa mga pamantayan ng kaligtasan at proteksyon sa kapaligirang pandagat, lokal at pandaigdig, para sa mga barkong nakarehistro at lisensyado sa Hong Kong at gumagamit ng katubigan ng Hong Kong;
• pamamahala ng Register ng Pagpapadala sa Hong Kong at pagbuo ng mga patakaran, pamantayan, at batas na naaayon sa mga pandaigdigang kombensyon;
• pagtiyak ng pagsunod sa mga pangangailangan ng pandaigdig at lokal tungkol sa kakayahan ng mga marino para sa mga barkong nakarehistro at lisensyado sa Hong Kong at gumagamit ng katubigan nito, at regulasyon sa pagrehistro at pagtatrabaho ng mga marino ng Hong Kong;
• pagkoordinasyon ng mga operasyon ng paghahanap at pagliligtas sa dagat sa loob ng pandaigdigang sakop ng responsibilidad ng Hong Kong at pagtiyak ng pagsunod sa mga pandaigdigang kombensyon;
• oagtugon sa polusyon ng langis sa katubigan ng Hong Kong, pagkolekta ng basura mula sa mga sasakyang pandagat, at paglilinis ng lumulutang na basura sa mga tiyak na lugar ng katubigan ng Hong Kong; at
• pagbibigay at pagpapanatili sa pinakamabisang paraan ng bilang ng mga sasakyang pandagat ng pamahalaan na kailangan ng mga kagawaran upang isagawa ang kanilang gawain.